Lesmana

Lesmana

Lesmana

Raden Lesmana Mandra Kumara saka praja Ngastina sajroning lakon carangan wahyu Cakraningrat ya pulunge kanarendran. Saben dina  Lesmana amung tansah sumbar yen ta dheweke bakal bisa dadi narendra kang pinunjuk lan ora ana tandinge.

Nanging, kasunyatane Lesmana babar pisan ora tau nglakoni latiyan olah kaprajuritan, kaprawiran,lan kabatinan. Saben srengenge sumunar Lesmana mesthi sare nglekar, yen ta wis surupe hyang surya dheweke mesthi ngumbar sukaning angkara.

Kang diendhel-endhelake mung bandha lan panguwasane bapake. Tibane dheweke kudu nglakni nggayuh pulung, Lesmanan bisane mung sambat njaluk tulung karo pamane, yaiku Patih Harya Sengkuni.

Mula ora nganeh-nganehi nalikane tempuk gawe karo Raden Abimanyu, kang priyayine nurut, manut tur sregep sembada samubarang karya, Lesmana banjur ngglirit mlayu saengga pulung Cakraningrat tinampa dening Raden Abimanyu.

Kapethik saka : Joglo Semar, 15 November 2009