Materi Basa Jawa Kelas VIII Semester 1

Maca Cerkak

Cerkak, yaiku crita kang ora nyata utawa fiksi. wujude gancaran cendhak. Akeh kang padha ngarani tegese cendhak amarga mung salungguhan utawa kurang sakjam menawa diwaca. cerkak mung duwe efek tunggal, uga ngenani wewateg, alur, latar mung winates ora warna-warna lan ora kompleks.

Cerkak kabentuk saka unsur-unsur intrinsik kaya dene gancaran liyane. Unsur instrinsik cerkak antarane ngisor iki.
1. Irah-irahan (Judul)
    Irah-irahan, yaiku digawe saringkes-ringkese nanging wis bisa kanggo nggambarake isine crita lan digawe narik kawigaten.
2. Tema
    Tema, yaiku gagasan utawa pikiran dhasar. Tema minangka dhasare crita banjur diarani idhe sentral.
3. Tokoh
    Tokoh, yaiku kalungguhane paraga sajroning crita. Jinis tokoh kabagi dadi loro.
    1. Paraga punjer (tokoh sentral), Paraga punjer kaperang dadi paraga protagonis (kang becik) lan  paraga antagonis (mungsuhe protagonis).
    2. Paraga tambahan
4. Wewateg (penokohan)
    Watek, yaiku kualitase paraga, yaiku ngenani nalar lan jiwane kang mbedakake paraga siji karo paraga liyane. Wondene wewateg yaiku carane penganggit nuduhake watege paraga.
5. Alur (plot)
    Alur mujudake reroncening kadadean crita. Alur dibagi dadi loro yaiku alur maju lan alur mundur.
6. Latar (setting)
    Latar, yaiku katrangan ngenani panggonan, wektu, lan suwasana prastawa-prastawa ing cerkak kaleksanan.
7. Sudut pandhang utawa pusat pengisahan (point of view)
    Sudut pandhang, yaiku ana ngendi paraga punjer (pelaku utama) kalungguhake.
8. Amanat
    Amanat, yaiku gagasan utawa pesen kang pengin diwedharake penganggit marang kang maca utawa ngrungokake.

Kapethik saka:
LKS Bahasa Jawa Wajar SMP kelas 8 Semester 1