K-POP

K-POP

Dening            :Angela Kristi Lisa.C

            Raine alus-alus, ayu-ayu, bagus-bagus, lan sexy-sexy. Akeh digandrungi bocah-bocah. Becik wong wadonuga  sing lanang. Wiwit  sing isih cilik nganti  sing wis remaja uga padha seneng. Padhadirewangi kilangan duwit akeh. Ana sing nggunake duwit akeh kanggo tuku tiket, tuku majalah, tuku acsesoris-acsssorise, kanggo tuku kasete, menawa ora ana wifi yo kanggo tuku pulsa modem supaya bisa  download lan golek info-info. Kuwi kabeh mau diupayake  bocah-bocah supaya entuk kabar sing paling anyar lan supaya bisa nonton  wong-wong sing ayu lan bagus kuwi mau. Malah uga ana sing ngantidirewangi mungsuhan karo kulawargane. Ya kuwi mau kahanan saiki isih jamane demam Korea.

            Mike lan Clara putera lan puterine  Pak Roy sing tinggal ing kutha Jetak uga seneng banget karo sing jenenge Korea.Ana ing ing jero ruangan kamare kebak karo sing jenenge gambar-gambar fotone artis Korea. Saben ing dina Minggu, embuh sing Mike apa  Clara mesthi ora natekelalen anggone  tuku tabloid kang ana gambare artis Korea. Kamare Mike kebak karo gambar Sistar lan Girl’s Generation amarga dheweke seneng karo Yuri Girl’s Generation lan Dasom Sistar, beda karo kamare Clara, Clara seneng kabeh boyband Korea lan aktor Korea sing dheweke seneng kuwi Song Joong Ki. Amarga Clara seneng karo kabeh boyband Korea kamare rata gambar kabeh boyband Korea ana. Nanging sing paling disenengi Claraboyband Korea sing jenenge Infinite apa meneh karo personile Infinite sing jenenge L.

            Clara pernah ngomong karo kangmase, “Mas kapan nggih kula saged mirsani L oppa ingkang saestu boten namung wonten ing TV kemawon?” Mike pas ditakoni mengkono kuwi bingung amarga dheweke wedi salah anggone semaur jawab pitakone Clara mau. Akhire Mike mung guyu tog.

            Pak Roy lan Bu Lina sakjane ugo ora pateko seneng karo kasenengane putera lan puterine kuwi,  sing duwe kesenengan kanti  ngentek-enteke duwit. Nanging Pak Roy lan Bu Lina ora nate ngendika  langsung karoputerane  amarga khawatir yen puterane kuwi mengko  malah nesu.

            Dina Senin jam 6 esuk ing ruang kulawarga.

            Clara arep menyang sekolah lan Mike uga arep kuliah. Bapake lagi mirsani TV. Clara ileng menawa jam 6 ing TV ana filme Joong Ki, spontan remot direbut seka astane bapake. Bapake isih bisa nahan supaya ora dukamarang Clara, bapake mung ngemotake Clara. Ngendikanipun  Bapake marang Clara: ”Nok nok mbok yo adik iku coba nyawang jam, saiki kuwi wis jam piro, apa adik kuwi ora arep sekolah?” Clara sing  lagi kesengsem karo filme kuwi mula ora gagas karo sing dingendikakake karo bapake. Sidane Mike kangmase sing bisa bujuk Clara ben enggal budal menyang sekolah.

Mangkene pambujuke kangmase,,”Ayo dik Clara enggal budal sekolah, mengko mas janji bakal ngabulke apa wae kekarepanmu!”

Jawabe Clara spontan,”aku mung duwe kekarepan isa ketemu L utawi Song Joong Ki.”

Ing sekolahe Clara

           Clara duwe kanca sing jenenge Reta. Reta uga seneng karo sing jenenge Kpop. Reta lan Clara padha senenge karo Infinite, nanging sing disenengi Reta dudu L nanging Sunggyu.Jam istirahat bocah loro mau nuju kantin lan gosip bab Infinite. “Clara sakwulan meneh Infinite arep gelar konser tunggal ing Indonesia., kandhane Reta. Clara mangsuli,”Apa iya, kowe jare sapa?” Clara ngrasa kaget lan rak percaya.

          Saktekane omah

          “Bu, bu,” bengoke Clara.

          “Ana apa ta nduk?” mangsulane ibue nganggo suara alus.

          “Punapa mas Mike sampun wangsul?”

Ibue durung nganti bar anggone mangsuli Clara, Clara wis ninggalke ibue lan nuju ing kamare Mike.

          “Mas Mike,” ucape Clara.

Jebul Mike ora ana ing kamare.

          Jam 5 sore ing teras omah

          “Mas Mike endi to ya kok ora teka-teka,”ucape Clara.

          “dik.”

Mike wis teka. Clara nyeritake menawa Reta kancane mau ing sekolah cerita menawa Infinite bakal gelar konser ing Indonesia. Mike wis isa nebak mesthi adike meh nagih janji marang awake. Jebul tenan Clara nagih janjine.

   “Mas,ngendikanipun panjengan menawi badhe nuruti apa wae kekarepan kula?”takone Clara

          “Iya mas isih iling dik,”jawabe Mike

          “Lajeng pripun mas, mas punapa saget nuruti panyuwun kula kangge numbasaken tiket?”

          “Mas,ora isa jawab saiki dik.”

          Ing kamar, Mike bingung apa sing kudu tumindak sing kepiye, dheweke yakin banget menawa mengko adike nagih maneh. Laptop dijikuk modem dikonek. Digoleki kabar menawa Infinite bakal teka ing Indonesia. Jebule tenan wulan ngarep Infinite bakal teka ing Indonesia. Di goleki kabar-kabar bab tiket gratis. Mike kasil nemokake kabar kang duduhake menawa ana cara kang bisa ngentokake tiket gratis kanti syarat  kudu bisa jawab pitakon sing wis cemepak ing kana.

          Mike bingung amarga dheweke ora ngerti kabar-kabar  tentang Infinite. Mike goleki ing google ya ora ketemu-temu. Mike iling menawa kancane ana sing seneng Infinite. Motor dijikuk tancep gas langsung lunga ing omahe Saras kancane kuwi.

          Tekan omahe Saras

          “Saras aku meh takon-takon bab Infinite kowe kan ya mesthi ngerti,” takone Mike karo kesusu, amarga kuise ditutup bengi iki.

          Mike njelaske kekarepane dheweke takon-takon Infinite marang Saras. Saras kuwi bocah sing apikan amarga sakjane dheweke seneng karo Mike.

          “Wis ngene wae endi pitako-pitakon sing kudu dijawab, mengko aku sing bakal jawab kabeh?” takone Saras.

          Mike seneng amarga akhire dheweke isa ngirim jawabane. Tinggal ngenteni seminggu meneh pengumuman pemenang kuis gratis diumumke.

          “Muga-muga wae menang,itung-itung kanggo hadiahe Clara,”dongange Mike.

          Ing dina sakbanjure, Clara nagih janji maneh marang kangmase. Mike ora jawab apa-apa. Bapake lan ibue akhire dadi penengah antarane Clara lan Mike.

          “Nak,mesakno kangmasmu to ya,aja mbok tagih terus,”ngendikane ibue.

          “Masmu ki ya wis usaha,sing sabar wae,’lanjut bapake.

          ‘Iya dik sing sabar ya,” sambunge Mike.

          Clara lunga ngono wae tanpa maeko apa kang wis dingendikake bapak ibu lan kangmase kuwi.

          Seminggu sabanjure,Mike buka laptope lan nileki apa dheweke menang. Jebul apes dheweke ora menang. Dheweke sedih lan bingung apa meneh sing bakal dilakokake. Pancen wongtuwane kalebu wong kang sugih, ananging Mike ora bakal wani nyuwun marang  wongtuwane, isa-isa ora duwit sing diparingke ananging duka saka wong tuwane. Mike golek-golek meneh menawa ana kuis gratis tiket meneh. Bejane isih ana kuis kanggo entuk tiket gratis kuwi.lan jebule kuise pas banget karo jurusan sing dijikuk Mike ana kuliah, yaiku seni rupa. Kuise saiki yaiku gambar raine L lan diedit karo raine sing bakal melu kuis. Waktune tinggal telu dina meneh. Mbengi kuwi Mike nglembur gambar raine L lan adike. Jam 1 punjul 15 Mike lagi rampung lan langsung dikirim.

          Telung dina sakbanjure,Mike durung kober buka internet amarga kuliahe kebak seka esuk nganti wengi. Clara bola-bali piier telpon nagih janji, dadekake kangmase bingung.

          Sabanjure tekan omah, Miketerus buka internet, lan puji Tuhan jebul kuis kanggo ngentuake tiket gratis kuwi menang lan tiket bakal dikirim via pos. Mike seneng banget amarga gaweane ora sia-sia lan buahke hasil. Mike duwe rencana lan  ora bakal ngomong karo adike dhisik.

          Seminggu sedurunge Infinite gelar konser, ing teras omah

          “Napa dik Clara kok nangis ing teras ngene, ora sopan ayo mlebu wae?”takon ibue.

          “Mas Mike bu,”

          “Ana apa karo mas Mike?”

Clara nyeritake kabeh karo ibue, menawa kangmase tekan seprene ora nepati janjine. Padahal seminggu meneh Infinite wis teka ing Indonesia lan gelar konser.Sakjane ibu lan bapake wis preso menawa Mike wis entuk tiket gratis nanging meh ngrahasiake sik amarga Clara dina iki ulangtahun lan bakal kanggo kejutan marang Clara.

          ‘Mlebu wae ayo,dirembug bareng ing jero,”kongkone ibue.

          Ing ruang tamu,

          Sugeng ambal warsa sugeng ambal warsa nyanyian ulang tahun seka wongtuwane lan Mike kanggo Clara, uga ana roti. Clara akhire isa guyu meneh.

          “Clara anakku sugeng ambal warsa tambah dewasa ya,”ucap bapake.

          “Nak sugeng ambal warsa ya, aja nuntut masmu terus,”ucap ibue.

Mike durung ngucapke slamet dhewe, selang 5 menit Mike lagi ngucapke.

          “Dik Clara sugeng ambal warsa ya, saiki merem sek,”ucap Mike.

Pas buka matane jebul ing ngarepe wis ana tiket konser Infinite. Clara langsung nglunjak lan jalok gendong mase.

          “Maturnuwun nggih mas,  maturnuwun,”ucap Clara karo rasa seneng.

          Bengi sadurunge konser Infinite ing kamar Clara ora isa turu amarga kepikiran terus ora nyangka sesuk bakal ketemu langsung idolane. Clara lagi ngrasa menawa kangmase kuwi apik atine,  ora tau mblenjani janjin, nanging kok ya dheweke isih kaya bocah cilik. Nuntut kuwi iki.

          “Mas,bu,bapak, Clara kesah rumiyin nggih, mas Mike Clara nyuwun pangapunten nuntut mas terus. Maturnuwun inggih mas.”

          Mike ora isa jawab apa-apa.

          Ing konser Clara seneng amarga entuk panggonan ing ngarep dhewe lan isa salaman karo L malahan dheweke isa jaluk foto bareng lan isa njaluk tanda tangane L.

          Sawise tekan omah dheweke cerita bab konser mau marang kangmase. Clara uga nyuwun pangapunten marang kangmase lan wong tuwane amarga dheweke isih kaya bocah cilik. Sing senenge mung isa nuntut.